බැසිල් අපි ඔක්කොම අමාරුවෙ දැම්මා - යහපාලන ආණ්ඩුවේ නායකයින් අතර අභ්‍යන්තර මත ගැටුමෙන් වාසිය ගත්තේ බැසිල්



බහුතර මන්ත්‍රී බලයක් පෙන්වීමට අවශ්‍ය මන්ත්‍රී ගණන ලබාදෙන බවට පොරොන්දු වී ජනාධිපතිවරයා ලවා මහින්ද රාජපක්ෂ මහතා අගමැති ලෙස නම් කර ගනිමින් බැසිල් රාජපක්ෂ මහතා ජනාධිපති මෛත්‍රීපාල සිරිසේන මහතා දේශපාලනික වශයෙන් මුලාකර ඇද්දැයි බරපතල සැකයක් මතුවන බව ශ්‍රී ලංකා නිදහස් පක්ෂයේ ප්‍රබළ මන්ත්‍රී වරයෙකු සඳහන් කළා.

පාර්ලිමේන්තුවේ බහුතර බලයක් පෙන්වීමට අවශ්‍ය මන්ත්‍රී ගණන ලැබී ඇද්දැයි කළ විමසීමේදීයී  ඔහු මේ බව කියා සිටියේ.

ඒ සම්බන්ධයෙන් තවදුරටත් කරුණු පැහැදිලි කරමින් ඔහු මෙසේද සඳහන් කළා,

මෛත්‍රීට දුන් පොරොන්දුව ?

''ඇත්තටම ආණ්ඩුවේ හිටපු අපේ පක්ෂයේ කිසිම ඇමතිවරයකු මහින්ද මහත්තයා අගමැති කිරීමේ තීරණය ගැන දැනගෙන හිටියේ නැහැ.  අපිට 5.30ට ජනාධිපති තුමා එන්න කියලා පනිවිඩයක් එවලා තිබ්බා 6.15 විතර වගේ අපිට දැන ගන්න ලැබුණේ. ඔය ගැන සාකච්ජා කළේ 15 කණ්ඩායමේ කට්ටිය. එස්බීලා තිලංගල තමයි බැසිල් එක්ක දිගටම සාකච්ඡා කලේ. එයාල තමයි මහින්ද මහත්තයා අගමැති කලොත් මෛත්‍රීපාල සිරිසේන ජනාධිපතිතුමාව ඉදිරි ජනාධිපතිවරණයේදී ජනාධිපති අපේක්ෂකයා කරන බවට පොරොන්දු වුනේ.

දැන් ජනාධිපතිතුමා එතුමාගේ කාර්යභාරය ඉටුකරලා තියනවා. දැන් බැසිල්ලා එස්.බී.ලා ඔවුන්ගේ පොරොන්දුව ඉටුකළ යුතුයි. එත් මේ වනවිටත් බහුතර මන්ත්‍රී ගණන පෙන්නන්න බැරිවෙලා තියනවා. ඒ නිසා පාර්ලිමේන්තුව කැඳවන්න බැරිව පාර්ලිමේන්තුව කල් දාන්න ජනාධිපතිතුමාට සිද්ධ වුනා. මේක බරපතල කාරනයක් විය හැකියි.

බැසිල්ගේ උවමනාව පැහැදිලියි !

යහපාලන ආණ්ඩුවේ නායකයින් අතර අභ්‍යන්තර මත ගැටුමෙන් වාසිය ගත්තේ බැසිල්. බැසිල් එකට අල්ල ගත්තේ 15 කණ්ඩායමේ එස්.බී ලා, තිලංගලා.

ඇත්තටම බැසිල්ට ඕන පාර්ලිමේන්තුව පවත්වා ගෙන යන්න බැරි තත්වයක් ඇති කරලා මහ මැතිවරණයක් ලබා ගැනීම විතරයි. ව්‍යවස්ථා අර්බුදයක් හදලා පාර්ලිමේන්තුව පවත්වාගෙන යන්න බැරි තත්වයක් ඇති කරන්නයි එයාට ඕන.

මේ හදන ආණ්ඩුව මාසයකට වඩා ගෙනියන්න දෙන්න අවශ්‍ය නැහැ කියල බැසිල් රාජපක්ෂ එයාගේ සමීපතමයින්ට කියල තියනවා.

Powered by Blogger.