උත්සව සමය වෙනුවෙන් ජනපති විසින් නිළධාරීන්ට දුන් විශේෂ උපදෙස් මාලාව මෙන්න




උත්සව සමයේ වෙළඳපොල තුළ අත්‍යාවශ්‍ය ආහාර ද්‍රව්‍යවල කිසිදු හිඟයක් ඇති වීමට ඉඩ නොතබන ලෙසත්, මිල ඉහළ යාමකින් තොරව සාධාරණ මිලට ආහාර ද්‍රව්‍ය ලබා ගැනීමට පාරිභෝගික ජනතාවට අවස්ථාව සලසන ලෙසත් ජනාධිපති මෛත්‍රීපාල සිරිසේන අදාළ අංශවලට උපදෙස් ලබාදී තිබෙනවා.

උත්සව සමයේ ජීවන වියදම පිළිබඳව සාකච්ඡා කිරීම සදහා ජනාධිපති කාර්යාලයේ ඊයේ පැවති විශේෂ සාකච්ඡාවකදී ජනාධිපතිවරයා මෙම උපදෙස් ලබාදී ඇති අතර, ඒ සදහා අත්‍යාවශ්‍ය ආහාර ද්‍රව්‍ය ආනයනකරුවන්ගේ සංගමයේ නියෝජිතයන් මෙන්ම අමාත්‍යාංශ ලේකම්වරු, මුදල් අමාත්‍යාංශයේ සහ වෙළද අමාත්‍යාංශයේ නිලධාරින් ඇතුලු පිරිසක් එක්ව සිටියා.

මෙහිදී ජනාධිපතිවරයා පාරිභෝගික අධිකාරියේ නිලධාරින්ට උපදෙස් ලබාදී ඇත්තේ වෙළදපොල තුළ තෙල් මිල අඩුවීමේ ප්‍රතිලාභය වක්‍රාකාරව පාරිභෝගිකයා වෙත ලබාදීමේ වැඩපිලිවලක් සකස් කළයුතු බවයි.

 එමෙන්ම වෙළදපොල තුළ අසාධාරණ ලෙස මිල වැඩිවීම්වලට ඉඩ නොතබා මිල නියාමනයක් සිදුකරමින් නිරන්තරයෙන් වෙළදපොල මිල පිළිබදව අවධානයෙන් පසුවන ලෙසයි   ජනාධිපතිවරයා පාරිභෝගික අධිකාරියේ නිලධාරින්ට උපදෙස් ලබාදී ඇත්තේ .

තවද, වෙළදපොල මිල දර්ශක පිළිබදව නිරන්තරයෙන් පාරිභෝගික ජනතාව දැනුවත් කිරීමට වැඩපිළිවෙලක් සකස් කරන ලෙස ද ජනාධිපතිවරයා උපදෙස් ලබාදී තිබෙනවා.

Powered by Blogger.