නියෝජ්‍ය පොලිස්පති නාලක ද සිල්වා ප්‍රභූ ඝාතන කුමන්ත්‍රණය සම්බන්ධ බව පැහැදිලි සාක්ෂි ඇති බව නීතිපතිවරයා දන්වයි



 හිටපු නියෝජ්‍ය පොලිස්පති නාලක ද සිල්වා මහතාට එරෙහිව ප්‍රභූ ඝාතන කුමන්ත්‍රණය සම්බන්ධයෙන්  ප්‍රමාණවත් සහ පැහැදිලි සාක්ෂි පවතින බව නීතිපතිවරයා වෙනුවෙන් පෙනී සිටි නියෝජ්‍ය සොලිස්ටර් ජනරාල් දිලීප පීරිස් මහතා කොටුව මහේස්ත්‍රාත් අධිකරණයට දැනුම් දුන්නා.

ඒ එම නඩුව අද(06) කොටුව මහේස්ත්‍රාත් රංග දිසානායක මහතා හමුවේ කැඳවු අවස්ථාවේ දීයී.

නාලක ද සිල්වා මහතා ප්‍රබල අපරාධ කල්ලි සාමාජික මාකඳුරේ මධූෂ් සහ ගායන ශිල්පී අමල් පෙරේරා යන අය සමඟ සබදතා පවත්වා ඇති බවත් ඔහු එම සබදතා අනාවරණය නොවන ලෙස ඉතා සූක්ෂම ලෙස කටයුතු කර ඇති බවත් නියෝජ්‍ය සොලිසිටර් ජනරාල්වරයා එහිදි අධිකරණයට දැනුම් දුන් බවටයි වාර්තා වුණේ.

එම කරුණු සලකා බැලු කොටුව මහේස්ත්‍රාත් රංග දිසානායක මහතා නාලක ද සිල්වා මහතාට එරෙහිව ගොනු කිරීමට ඇති සාක්ෂි සම්බන්ධයෙන් ඉදිරි නඩු දිනයේ දී සාක්ෂි පිළිබද වාර්තාවක් අධිකරණයට ගොනුකරන ලෙස අපරාධ පරීක්ෂණ දෙපාර්තමේන්තුවට නියෝග කළා.

ඒ අනුව නාලක ද සිල්වා මහතා ලබන 19 වැනිදා දක්වා තවදුරටත් රක්ෂිත බන්ධනාගාර ගත කරන ලෙසයි මහේස්ත්‍රාත්වරයා නියෝග කළේ.

No comments

Powered by Blogger.