කඳාන සීමාසහිත ලංකා විදුලි සමාගමේ (Leco) සේවකයින් 12 දෙනෙකුට කොවිඩ් නයින්ටීන් ආසාදනය වෙයි

 


කඳාන, නාගොඩ ප්‍රදේශයේ පිහිටි, සීමාසහිත ලංකා විදුලි (පෞද්ගලික) සමාගමේ සේවකයින් පිරිසකට නව කොවිඩ් නයින්ටීන් වෛරසය ආසාදනය වී තිබේ.


ජාඇළ පරිපාලන මහජන සෞඛ්‍ය පරීක්ෂක එස්.ඩබ්.වයි.එම් විජේසිංහ මහතා පවසා සිටියේ, ඊයේ (11) දින රාත්‍රීයේ එම ආයතනය විසින් එහි සේවකයින් 12 දෙනෙකුට ආසන්න ප්‍රමාණයක් ආසාදිතයින් ලෙස හඳුනා ගෙන ඇතැයි පැවසු බවය.


ඒ අනුව ඊයේ රාත්‍රීයේම අදාළ කටයුතු සිදුකරනු ලැබු බවත් ඔවුන් ආසාදිතයින් බවට මේ වන විට තහවුරු වී ඇතැයි ද මහජන පරීක්ෂකවරයා පැවසීය.


“සොයා ගත් තොරතුරු අනුව මෙහි සේවක මහතෙකුගේ දියණියක් බ්‍රැන්ඩික්ස් ආයතනයේ සේවය කරලා තියෙනවා. ඇය එහි සේවය කළ බව දැනගෙන තියෙන්නේ පසුගිය 3 වන දා. එදාම ලේකෝ ආයතනය විසින් මෙම සේවක මහත්තයාව අදාළ සෞඛ්‍ය නිලධාරී කොට්ඨාසයට යවලා නිරෝධායනයට යොමු කරලා තියෙනවා. ඒ අනුව ඔහුව නිරෝධායනය කරාට පසුව මෙහි සේවක මහත්වරු පීසීආර් පරීක්ෂණයක් සඳහා යොමු කරලා තියෙනවා පසුගිය සිකුරාදා දිනයේ දී. එතන දී යොමු කළ සේවකයින්ගෙන් 12 දෙනෙක් පොසිටිව් වුණා කියලා ලෙකෝ ආයතනය සඳහන් කරලා තියෙනවා.“

No comments

Powered by Blogger.